10. Dw i'n dweud o'r dechrau beth fydd yn digwydd ar y diwedd,ac yn dangos ymlaen llaw bethau sydd heb ddigwydd eto.Dw i'n dweud: ‘Bydd fy nghynllun i yn digwydd;Dw i'n cyflawni popeth dw i'n ei fwriadu.’
11. Fi alwodd yr aderyn rheibus yna o'r dwyrain;yr un ddaeth o bell i gyflawni fy mhwrpas i.Pan dw i'n dweud rhywbeth, mae'n siŵr o ddigwydd;fi sydd wedi ei gynllunio, a bydda i'n siŵr o'i wneud!
12. Gwrandwch arna i, chi bobl benstiff,sy'n cadw draw oddi wrth beth sy'n iawn:
13. Dw i ar fin gwneud pethau'n iawn;dydy hyn ddim yn y dyfodol pell –fydd achubiaeth ddim yn cael ei ohirio.Dw i'n mynd i achub Seion!A rhoi fy ysblander i Israel!”