11. Gŵyr yr Arglwydd feddyliau dyn, mai gwagedd ydynt.
12. Gwyn ei fyd y gŵr a geryddi di, O Arglwydd, ac a ddysgi yn dy gyfraith:
13. I beri iddo lonydd oddi wrth ddyddiau drygfyd, hyd oni chloddier ffos i'r annuwiol.
14. Canys ni ad yr Arglwydd ei bobl, ac ni wrthyd efe ei etifeddiaeth.
15. Eithr barn a ddychwel at gyfiawnder: a'r holl rai uniawn o galon a ânt ar ei ôl.
16. Pwy a gyfyd gyda mi yn erbyn y rhai drygionus? pwy a saif gyda mi yn erbyn gweithredwyr anwiredd?