2. Canys wele, dy elynion sydd yn terfysgu; a'th gaseion yn cyfodi eu pennau.
3. Ymgyfrinachasant yn ddichellgar yn erbyn dy bobl, ac ymgyngorasant yn erbyn dy rai dirgel di.
4. Dywedasant, Deuwch, a difethwn hwynt fel na byddont yn genedl; ac na chofier enw Israel mwyach.
5. Canys ymgyngorasant yn unfryd; ac ymwnaethant i'th erbyn;
6. Pebyll Edom, a'r Ismaeliaid; y Moabiaid, a'r Hagariaid;
7. Gebal, ac Ammon, ac Amalec; y Philistiaid, gyda phreswylwyr Tyrus.
8. Assur hefyd a ymgyplysodd รข hwynt: buant fraich i blant Lot. Sela.
9. Gwna di iddynt fel i Midian; megis i Sisera, megis i Jabin, wrth afon Cison:
10. Yn Endor y difethwyd hwynt: aethant yn dail i'r ddaear.
11. Gwna eu pendefigion fel Oreb, ac fel Seeb; a'u holl dywysogion fel Seba, ac fel Salmunna: