66. Dysg i mi iawn ddeall a gwybodaeth: oherwydd dy orchmynion di a gredais.
67. Cyn fy nghystuddio yr oeddwn yn cyfeiliorni: ond yn awr cedwais dy air di.
68. Da ydwyt, a daionus: dysg i mi dy ddeddfau.
69. Y beilchion a glytiasant gelwydd i'm herbyn; minnau a gadwaf dy orchmynion â'm holl galon.
70. Cyn frased â'r bloneg yw eu calon: minnau a ymddigrifais yn dy gyfraith di.
71. Da yw i mi fy nghystuddio; fel y dysgwn dy ddeddfau.
72. Gwell i mi gyfraith dy enau, na miloedd o aur ac arian.