11. Cuddiais dy ymadroddion yn fy nghalon, fel na phechwn i'th erbyn.
12. Ti, Arglwydd, wyt fendigedig: dysg i mi dy ddeddfau.
13. A'm gwefusau y traethais holl farnedigaethau dy enau.
14. Bu mor llawen gennyf ffordd dy dystiolaethau, รข'r holl olud.
15. Yn dy orchmynion y myfyriaf, ac ar dy lwybrau yr edrychaf.
16. Yn dy ddeddfau yr ymddigrifaf: nid anghofiaf dy air.
17. Bydd dda wrth dy was, fel y byddwyf byw, ac y cadwyf dy air.
18. Datguddia fy llygaid, fel y gwelwyf bethau rhyfedd allan o'th gyfraith di.
19. Dieithr ydwyf fi ar y ddaear: na chudd di rhagof dy orchmynion.
20. Drylliwyd fy enaid gan awydd i'th farnedigaethau bob amser.
21. Ceryddaist y beilchion melltigedig, y rhai a gyfeiliornant oddi wrth dy orchmynion.
22. Tro oddi wrthyf gywilydd a dirmyg: oblegid dy dystiolaethau di a gedwais.
23. Tywysogion hefyd a eisteddasant, ac a ddywedasant i'm herbyn: dy was dithau a fyfyriai yn dy ddeddfau.