30. Yna y safodd Phinees, ac a iawn farnodd: a'r pla a ataliwyd.
31. A chyfrifwyd hyn iddo yn gyfiawnder, o genhedlaeth i genhedlaeth byth.
32. Llidiasant ef hefyd wrth ddyfroedd y gynnen; fel y bu ddrwg i Moses o'u plegid hwynt:
33. Oherwydd cythruddo ohonynt ei ysbryd ef, fel y camddywedodd â'i wefusau.
34. Ni ddinistriasant y bobloedd, am y rhai y dywedasai yr Arglwydd wrthynt:
35. Eithr ymgymysgasant â'r cenhedloedd; a dysgasant eu gweithredoedd hwynt:
36. A gwasanaethasant eu delwau hwynt; y rhai a fu yn fagl iddynt.
37. Aberthasant hefyd eu meibion a'u merched i gythreuliaid,