1. Gwell yw enw da nag ennaint gwerthfawr; a dydd marwolaeth na dydd genedigaeth.
2. Gwell yw myned i dŷ galar, na myned i dŷ gwledd: canys hynny yw diwedd pob dyn; a'r byw a'i gesyd at ei galon.
3. Gwell yw dicter na chwerthin: canys trwy dristwch yr wynepryd y gwellheir y galon.
4. Calon doethion fydd yn nhŷ y galar; ond calon ffyliaid yn nhŷ llawenydd.
5. Gwell yw gwrando sen y doeth, na gwrando cân ffyliaid.