7. A chan weiddi â llef uchel, efe a ddywedodd, Beth sydd i mi a wnelwyf â thi, Iesu Mab y Duw goruchaf? yr ydwyf yn dy dynghedu trwy Dduw, na phoenech fi.
8. (Canys dywedasai wrtho, Ysbryd aflan, dos allan o'r dyn.)
9. Ac efe a ofynnodd iddo, Beth yw dy enw? Yntau a atebodd, gan ddywedyd, Lleng yw fy enw; am fod llawer ohonom.
10. Ac efe a fawr ymbiliodd ag ef, na yrrai efe hwynt allan o'r wlad.
11. Ond yr oedd yno ar y mynyddoedd genfaint fawr o foch yn pori.