5. A hwy a fuant daerach, gan ddywedyd, Y mae efe yn cyffroi'r bobl, gan ddysgu trwy holl Jwdea, wedi dechrau o Galilea hyd yma.
6. A phan glybu Peilat sôn am Galilea, efe a ofynnodd ai Galilead oedd y dyn.
7. A phan wybu efe ei fod ef o lywodraeth Herod, efe a'i hanfonodd ef at Herod, yr hwn oedd yntau yn Jerwsalem y dyddiau hynny.
8. A Herod, pan welodd yr Iesu, a lawenychodd yn fawr: canys yr oedd efe yn chwennych er ys talm ei weled ef, oblegid iddo glywed llawer amdano ef; ac yr ydoedd yn gobeithio cael gweled gwneuthur rhyw arwydd ganddo ef.
9. Ac efe a'i holodd ef mewn llawer o eiriau; eithr efe nid atebodd ddim iddo.