55. Fel y dywedodd wrth ein tadau, Abraham a'i had, yn dragywydd.
56. A Mair a arhosodd gyda hi ynghylch tri mis, ac a ddychwelodd i'w thŷ ei hun.
57. A chyflawnwyd tymp Elisabeth i esgor; a hi a esgorodd ar fab.
58. A'i chymdogion a'i chenedl a glybu fawrhau o'r Arglwydd ei drugaredd arni; a hwy a gydlawenychasant â hi.
59. A bu, ar yr wythfed dydd hwy a ddaethant i enwaedu ar y dyn bach; ac a'i galwasant ef Sachareias, yn ôl enw ei dad.