4. Ei feibion ef a bellheir oddi wrth iachawdwriaeth: dryllir hwynt hefyd yn y porth, ac nid oes gwaredydd.
5. Yr hwn y bwyty y newynog ei gynhaeaf, wedi iddo ei gymryd o blith drain, a'r sychedig a lwnc eu cyfoeth.
6. Er na ddaw cystudd allan o'r pridd, ac na flagura gofid allan o'r ddaear:
7. Ond dyn a aned i flinder, fel yr eheda gwreichionen i fyny.
8. Eto myfi a ymgynghorwn รข Duw: ac ar Dduw y rhoddwn fy achos:
9. Yr hwn sydd yn gwneuthur pethau mawrion ac anchwiliadwy; rhyfeddol heb rifedi:
10. Yr hwn sydd yn rhoddi glaw ar wyneb y ddaear; ac yn danfon dyfroedd ar wyneb y meysydd:
11. Gan osod rhai isel mewn uchelder; fel y dyrchefir y galarus i iachawdwriaeth.
12. Efe sydd yn diddymu amcanion y cyfrwys, fel na allo eu dwylo ddwyn dim i ben.