13. Ond y mae efe yn un, a phwy a'i try ef? a'r hyn y mae ei enaid ef yn ei chwenychu, efe a'i gwna.
14. Canys efe a gyflawna yr hyn a osodwyd i mi: ac y mae ganddo lawer o'r fath bethau.
15. Am hynny y dychrynais rhag ei ofn ef: ystyriais, ac ofnais ef.
16. Canys Duw a feddalhaodd fy nghalon, a'r Hollalluog a'm cythryblodd:
17. Oherwydd na thorrwyd fi ymaith o flaen y tywyllwch, ac na chuddiodd efe y tywyllwch o'm gŵydd.