4. Ai rhag dy ofn y cerydda efe dydi? neu yr â efe gyda thi i farn?
5. Onid ydyw dy ddrygioni di yn aml? a'th anwireddau heb derfyn?
6. Canys cymeraist wystl gan dy frawd yn ddiachos; a diosgaist ddillad y rhai noethion.
7. Ni roddaist ddwfr i'w yfed i'r lluddedig; a thi a ateliaist fara oddi wrth y newynog.
8. Ond y gŵr cadarn, efe bioedd y ddaear; a'r anrhydeddus a drigai ynddi.
9. Danfonaist ymaith wragedd gweddwon yn waglaw; a breichiau y rhai amddifaid a dorrwyd.
10. Am hynny y mae maglau o'th amgylch, ac ofn disymwth yn dy ddychrynu di;
11. Neu dywyllwch rhag gweled ohonot: a llawer o ddyfroedd a'th orchuddiant.
12. Onid ydyw Duw yn uchelder y nefoedd? gwêl hefyd uchder y sêr, mor uchel ydynt.