22. Cymer y gyfraith, atolwg, o'i enau ef, a gosod ei eiriau ef yn dy galon.
23. Os dychweli at yr Hollalluog, ti a adeiledir, symudi anwiredd ymhell oddi wrth dy luestai.
24. Rhoddi aur i gadw fel pridd, ac aur Offir fel cerrig yr afonydd.
25. A'r Hollalluog fydd yn amddiffyn i ti, a thi a gei amldra o arian.
26. Canys yna yr ymhoffi yn yr Hollalluog, ac a ddyrchefi dy wyneb at Dduw.
27. Ti a weddïi arno ef, ac efe a'th wrendy; a thi a deli dy addunedau.