1. Yna Eliffas y Temaniad a atebodd ac a ddywedodd,
2. A wna gŵr lesâd i Dduw, fel y gwna y synhwyrol lesâd iddo ei hun?
3. Ai digrifwch ydyw i'r Hollalluog dy fod di yn gyfiawn? neu ai elw dy fod yn perffeithio dy ffyrdd?
4. Ai rhag dy ofn y cerydda efe dydi? neu yr â efe gyda thi i farn?
5. Onid ydyw dy ddrygioni di yn aml? a'th anwireddau heb derfyn?
6. Canys cymeraist wystl gan dy frawd yn ddiachos; a diosgaist ddillad y rhai noethion.
7. Ni roddaist ddwfr i'w yfed i'r lluddedig; a thi a ateliaist fara oddi wrth y newynog.
8. Ond y gŵr cadarn, efe bioedd y ddaear; a'r anrhydeddus a drigai ynddi.