40. Am hynny llawer o'r bobl, wedi clywed yr ymadrodd hwn, a ddywedasant, Yn wir hwn yw'r Proffwyd.
41. Eraill a ddywedasant, Hwn yw Crist. Eraill a ddywedasant, Ai o Galilea y daw Crist?
42. Oni ddywedodd yr ysgrythur, Mai o had Dafydd, ac o Fethlehem, y dref lle y bu Dafydd, y mae Crist yn dyfod?
43. Felly yr aeth ymrafael ymysg y bobl o'i blegid ef.
44. A rhai ohonynt a fynasent ei ddal ef; ond ni osododd neb ddwylo arno.
45. Yna y daeth y swyddogion at yr archoffeiriaid a'r Phariseaid; a hwy a ddywedasant wrthynt hwy, Paham na ddygasoch chwi ef?
46. A'r swyddogion a atebasant, Ni lefarodd dyn erioed fel y dyn hwn.
47. Yna y Phariseaid a atebasant iddynt, A hudwyd chwithau hefyd?
48. A gredodd neb o'r penaethiaid ynddo ef, neu o'r Phariseaid?