1. Ac yn y cyfamser hwnnw, y darfu i Jwda fyned i waered oddi wrth ei frodyr, a throi at ŵr o Adulam, a'i enw Hira.
2. Ac yno y canfu Jwda ferch gŵr o Ganaan, a'i enw ef oedd Sua; ac a'i cymerodd hi, ac a aeth ati hi.
3. A hi a feichiogodd, ac a esgorodd ar fab; ac efe a alwodd ei enw ef Er.
4. A hi a feichiogodd eilwaith, ac a esgorodd ar fab; a hi a alwodd ei enw ef Onan.
5. A thrachefn hi a esgorodd ar fab, ac a alwodd ei enw ef Sela. Ac yn Chesib yr oedd efe pan esgorodd hi ar hwn.
6. A Jwda a gymerth wraig i Er ei gyntaf‐anedig, a'i henw Tamar.