12. Efe a anelodd ei fwa, ac a'm gosododd fel nod i saeth.
13. Efe a wnaeth i saethau ei gawell fyned i'm harennau.
14. Gwatwargerdd oeddwn i'm holl bobl, a'u cân ar hyd y dydd.
15. Efe a'm llanwodd â chwerwder; efe a'm meddwodd i â'r wermod.
16. Efe a dorrodd fy nannedd â cherrig, ac a'm trybaeddodd yn y llwch.
17. A phellheaist fy enaid oddi wrth heddwch; anghofiais ddaioni.
18. A mi a ddywedais, Darfu am fy nerth a'm gobaith oddi wrth yr Arglwydd.