42. Nos yw hon i'w chadw i'r Arglwydd, ar yr hon y dygwyd hwynt allan o wlad yr Aifft: nos yr Arglwydd yw hon, i holl feibion Israel i'w chadw trwy eu hoesoedd.
43. Yr Arglwydd hefyd a ddywedodd wrth Moses ac Aaron, Dyma ddeddf y Pasg: na fwytaed neb dieithr ohono.
44. Ond pob gwasanaethwr wedi ei brynu am arian, gwedi yr enwaedych ef, a fwyty ohono.
45. Yr alltud, a'r gwas cyflog, ni chaiff fwyta ohono.
46. Mewn un tŷ y bwyteir ef: na ddwg ddim o'r cig allan o'r tŷ; ac na thorrwch asgwrn ohono.
47. Holl gynulleidfa Israel a wnânt hynny.
48. A phan arhoso dieithr gyda thi, ac ewyllysio cadw Pasg i'r Arglwydd, enwaeder ei holl wrywiaid ef, ac yna nesaed i wneuthur hynny; a bydded fel yr hwn a aned yn y wlad: ond na fwytaed neb dienwaededig ohono.