17. Hi a wregysa ei llwynau â nerth, ac a gryfha ei breichiau.
18. Hi a wêl fod ei marsiandïaeth yn fuddiol; ni ddiffydd ei channwyll ar hyd y nos.
19. Hi a rydd ei llaw ar y werthyd, a'i llaw a ddeil y cogail.
20. Hi a egyr ei llaw i'r tlawd, ac a estyn ei dwylo i'r anghenus.
21. Nid ofna hi am ei thylwyth rhag yr eira; canys ei holl dŷ hi a ddilledir ag ysgarlad.
22. Hi a weithia iddi ei hun garpedau; ei gwisg yw sidan a phorffor.
23. Hynod yw ei gŵr hi yn y pyrth, pan eisteddo gyda henuriaid y wlad.