17. Haearn a hoga haearn: felly gŵr a hoga wyneb ei gyfaill.
18. Y neb a gadwo ei ffigysbren, a fwyty o'i ffrwyth ef: a'r neb a wasanaetho ei feistr, a ddaw i anrhydedd.
19. Megis mewn dwfr y mae wyneb yn ateb i wyneb: felly y mae calon dyn i ddyn.
20. Ni lenwir uffern na distryw: felly ni lenwir llygaid dyn.
21. Fel y tawddlestr i'r arian, a'r ffwrnais i'r aur: felly y mae gŵr i'w glod.
22. Er i ti bwyo ffôl mewn morter â phestl ymhlith gwenith, eto nid ymedy ei ffolineb ag ef.
23. Edrych yn ddyfal ar dy anifeiliaid, a gofala am dy braidd.
24. Canys cyfoeth ni phery byth: ac a bery y goron o genhedlaeth i genhedlaeth?