21. Fy mab, ofna yr Arglwydd a'r brenin, ac nac ymyrr â'r rhai anwastad:
22. Canys yn ddisymwth y cyfyd eu distryw hwy: a phwy a ŵyr eu dinistr hwy ill dau?
23. Dyma hefyd bethau doethion. Nid da derbyn wyneb mewn barn.
24. Y neb a ddywedo wrth yr annuwiol, Cyfiawn wyt; y bobl a'i melltithiant ef, cenhedloedd a'i ffieiddiant ef:
25. Ond i'r neb a'i ceryddo, y bydd hyfrydwch; a bendith dda a ddigwydd iddynt.
26. Pawb a gusana wefusau y neb a atebo eiriau uniawn.
27. Darpara dy orchwyl oddi allan, a dosbartha ef i ti yn y maes: ac wedi hynny adeilada dy dŷ.