25. Deisyfiad y diog a'i lladd: canys ei ddwylo a wrthodant weithio:
26. Yn hyd y dydd y mae yn fawr ei awydd: ond y cyfiawn a rydd, ac ni arbed.
27. Aberth y rhai annuwiol sydd ffiaidd: pa faint mwy, pan offrymant mewn meddwl drwg?
28. Tyst celwyddog a ddifethir: ond y gŵr a wrandawo, a lefara yn wastad.
29. Gŵr annuwiol a galeda ei wyneb: ond yr uniawn a gyfarwydda ei ffordd.
30. Nid oes doethineb, na deall, na chyngor, yn erbyn yr Arglwydd.
31. Y march a ddarperir erbyn dydd y frwydr: ond ymwared sydd oddi wrth yr Arglwydd.