1. Fy mab, os derbynni di fy ngeiriau, ac os cuddi fy ngorchmynion gyda thi;
2. Fel y parech i'th glust wrando ar ddoethineb, ac y gogwyddech dy galon at ddeall;
3. Ie, os gwaeddi ar ôl gwybodaeth, os cyfodi dy lef am ddeall;
4. Os ceisi hi fel arian, os chwili amdani fel am drysorau cuddiedig;
5. Yna y cei ddeall ofn yr Arglwydd, ac y cei wybodaeth o Dduw.
6. Canys yr Arglwydd sydd yn rhoi doethineb: allan o'i enau ef y mae gwybodaeth a deall yn dyfod.
7. Y mae ganddo ynghadw i'r rhai uniawn wir ddoethineb: tarian yw efe i'r sawl a rodiant yn uniawn.
8. Y mae efe yn cadw llwybrau barn, ac yn cadw ffordd ei saint.
9. Yna y cei di ddeall cyfiawnder, a barn, ac uniondeb, a phob llwybr daionus.