28. Y bobl gystuddiedig a waredi: ond y mae dy lygaid ar y rhai uchel, i'w darostwng.
29. Canys ti yw fy nghannwyll i, O Arglwydd; a'r Arglwydd a lewyrcha fy nhywyllwch.
30. Oblegid ynot ti y rhedaf trwy fyddin: trwy fy Nuw y llamaf dros fur.
31. Duw sydd berffaith ei ffordd; ymadrodd yr Arglwydd sydd buredig: tarian yw efe i bawb a ymddiriedant ynddo.
32. Canys pwy sydd Dduw, heblaw yr Arglwydd? a phwy sydd graig, eithr ein Duw ni?
33. Duw yw fy nghadernid a'm nerth; ac a rwyddhaodd fy ffordd i yn berffaith.
34. Efe sydd yn gwneuthur fy nhraed fel traed ewigod; ac efe sydd yn fy ngosod ar fy uchelfaoedd.
35. Efe sydd yn dysgu fy nwylo i ryfel; fel y dryllir bwa dur yn fy mreichiau.