1. A Joseia a gynhaliodd Basg i'r Arglwydd yn Jerwsalem: a hwy a laddasant y Pasg y pedwerydd dydd ar ddeg o'r mis cyntaf.
2. Ac efe a gyfleodd yr offeiriaid yn eu goruchwyliaethau, ac a'u hanogodd hwynt i weinidogaeth tŷ yr Arglwydd;
3. Ac a ddywedodd wrth y Lefiaid, y rhai oedd yn dysgu holl Israel, ac oedd sanctaidd i'r Arglwydd, Rhoddwch yr arch sanctaidd yn y tŷ a adeiladodd Solomon mab Dafydd brenin Israel; na fydded hi mwyach i chwi yn faich ar ysgwydd: gwasanaethwch yn awr yr Arglwydd eich Duw, a'i bobl Israel,