27. Eithr Duw a etholodd ffôl bethau'r byd, fel y gwaradwyddai'r doethion; a gwan bethau'r byd a etholodd Duw, fel y gwaradwyddai'r pethau cedyrn;
28. A phethau distadl y byd, a phethau dirmygus, a ddewisodd Duw, a'r pethau nid ydynt, fel y diddymai'r pethau sydd:
29. Fel na orfoleddai un cnawd ger ei fron ef.
30. Eithr yr ydych chwi ohono ef yng Nghrist Iesu, yr hwn a wnaethpwyd i ni gan Dduw yn ddoethineb, ac yn gyfiawnder, ac yn sancteiddrwydd, ac yn brynedigaeth:
31. Fel megis ag y mae yn ysgrifenedig, Yr hwn sydd yn ymffrostio, ymffrostied yn yr Arglwydd.