13. Pan ddaeth i mewn ataf, dechreuodd y myn frefu. Gelwais ar y wraig a gofyn, “O ble y daeth y myn yma? Wedi ei ddwyn y mae, onid e? Dos ag ef yn ôl i'w berchnogion. Nid oes gennym hawl i fwyta dim sydd wedi ei ddwyn.”
14. “Fe'i rhoddwyd imi'n anrheg ar ben fy nghyflog,” oedd ei hateb imi. Er hynny, ni allwn ei chredu, a dywedais wrthi am ei roi'n ôl i'w berchnogion. Gwridais o'i blaen o achos hyn. Yna atebodd fi fel hyn: “Beth a ddaeth o'th gymwynasau di? Beth a ddaeth o'th weithredoedd da? Gwrando, y mae dy hanes di'n hysbys i bawb.”