12. Esgorodd Silpa morwyn Lea ar ail fab i Jacob,
13. a dywedodd Lea, “Dedwydd wyf! Bydd y merched yn fy ngalw yn ddedwydd.” Felly galwodd ef Aser.
14. Yn nyddiau'r cynhaeaf gwenith aeth Reuben allan a chael mandragorau yn y maes, a'u rhoi i Lea ei fam. Yna dywedodd Rachel wrth Lea, “Rho imi rai o fandragorau dy fab.”
15. Ond dywedodd hithau wrthi, “Ai peth dibwys yw dy fod wedi cymryd fy ngŵr? A wyt hefyd am gymryd mandragorau fy mab?” Dywedodd Rachel, “o'r gorau, caiff Jacob gysgu gyda thi heno yn dâl am fandragorau dy fab.”