19. Y mae ychydig yn ddigon i rywun o fagwraeth dda,ac nid yw'n fyr ei wynt pan â i'w wely.
20. Iachus fydd cwsg y bwytawr cymedrol;bydd yn codi'n fore yn ei iawn bwyll.Ond baich o anhunedd, cyfog a bolwsta gaiff un anniwall ei chwant.
21. Os cefaist dy orfodi i orfwyta,gad y pryd ar ei ganol i geisio rhyddhad.
22. Gwrando arnaf, fy mab, a phaid â'm hanwybyddu;yn y diwedd cei wybod mai gwir yw fy ngeiriau.Bydd ymroddgar ym mhopeth a wnei,ac ni ddaw unrhyw afiechyd ar dy gyfyl.
23. Hael ei fwrdd, hael fydd ei glod,a'r dystiolaeth i'w ragoriaeth yn sicr.
24. Crintach ei fwrdd, bydd grwgnach trwy'r dref amdano,a'r dystiolaeth i'w grintachrwydd yn fanwl.