39. Pan ddisgleiriai'r haul ar y tarianau aur a phres, fe ddisgleiriai'r mynyddoedd ganddynt, a goleuo fel ffaglau ar dân.
40. Yr oedd un rhan o fyddin y brenin wedi ei threfnu'n rhengoedd ar ben y mynyddoedd uchel, a'r rhan arall ar y gwastadeddau, ac yr oeddent yn symud ymlaen yn hyderus mewn trefn.
41. Crynai pawb a glywai drwst eu niferoedd ac ymdaith y dorf a chloncian yr arfau, oherwydd yr oedd y fyddin yn fawr iawn a chadarn.
42. Ond nesaodd Jwdas a'i fyddin i'r frwydr, a syrthiodd chwe chant o wŷr byddin y brenin.
43. Gwelodd Eleasar, a elwid Afaran, fod un o'r anifeiliaid wedi ei wisgo â'r llurig frenhinol, a'i fod yn dalach na'r holl anifeiliaid eraill, a thybiodd mai ar hwnnw yr oedd y brenin.
44. Felly rhoes ei fywyd i achub ei bobl ac i ennill iddo'i hun enw tragwyddol.