3. Kay gipaawit kami sa mga mibihag kanamo.Gisugo nila kami sa paglingaw kanila. Miingon sila, “Awiti ninyo kami ug awit mahitungod sa Zion!”
4. Unsaon namo pag-awit ug mga awit nga alang sa Ginoo sa yuta sa mga mibihag kanamo?
5. Hinaut pa nga dili na makalihok ang akong tuong kamot kon kalimtan ko ikaw, Jerusalem!
6. Hinaut pa nga dili na ako makaawit pag-usab kon dili ko hinumdoman ug isipon nga akong dakong kalipay ang Jerusalem.
7. Hinumdomi, Ginoo, ang gihimo sa mga Edomhon sa dihang giilog sa Babilonia ang Jerusalem.Miingon sila, “Gub-a ninyo kana sa hingpit.”