10. Mitubag ang lalaki, “Nadungog ko ikaw nga naglakaw sa tanaman, ug nahadlok ako tungod kay hubo ako, busa mitago ako.”
11. Nangutana ang Ginoong Dios, “Kinsay nag-ingon kanimo nga hubo ka? Mikaon ka ba sa bunga sa kahoy nga giingon ko nga dili mo kan-on?”
12. Mitubag ang lalaki, “Ang babaye nga gipauban mo kanako maoy naghatag kanako sa bunga niadto nga kahoy ug mikaon ako.”
13. Gipangutana sa Ginoong Dios ang babaye, “Nganong gibuhat mo man kini?” Mitubag ang babaye, “Giilad ako sa bitin, busa mikaon ako.”