21. Unya kuhaon mo ang toriyong baka nga ginahalad isip halad sa paghinlo, ug sunogon mo kini didto sa sunoganan sa gawas sa templo.
22. Sa ikaduhang adlaw, maghalad kag laki nga kanding nga walay depekto isip halad sa paghinlo sa halaran, sama sa imong gihimo sa toriyong baka.
23. Pagkahuman niini, magkuha kag usa ka toriyong baka ug usa ka hamtong nga laking karnero nga parehas nga walay depekto,
24. ug ihalad mo kini sa presensya sa Ginoo. Wisikan kini sa mga pari ug asin ug ihalad nila kini sa Ginoo isip halad nga sinunog.
25. “Matag adlaw sulod sa usa ka semana, maghalad kag usa ka laki nga kanding, usa ka toriyong baka, ug usa ka hamtong nga laking karnero nga walay depekto isip halad sa paghinlo.
26. Niining paagiha mahinloan ang halaran ug mahimo nang gamiton.
27. Human niini, sa ikawalo nga adlaw, magahalad na sa halaran ang mga pari sa inyong mga halad nga sinunog ug mga halad alang sa maayong relasyon sa Ginoo. Unya dawaton ko kamo. Ako, ang Ginoong Dios, ang nag-ingon niini.”