2. “Tawo, isugilon kining akong mensahe ngadto sa mga taga-Ehipto. Ingna sila nga ako, ang Ginoong Dios, nag-ingon: Pagminatay kamog hilak tungod sa umaabot ninyo nga kalaglagan.
3. Kay hapit na moabot kanang adlawa, ang adlaw nga maghukom ang Ginoo. Puno sa dag-om ug mangiob kanang adlawa alang sa mga nasod.
4. Pagasulongon ang Ehipto, ug magaantos ang Etiopia. Daghan ang mamatay sa Ehipto, ug panguhaon ang mga bahandi niini, ug gun-obon kini.
5. Niini nga panag-away, mangamatay ang mga taga-Etiopia, Put, Lydia, Arabia, Libya, ug ang uban pang mga nasod nga kaabin sa Ehipto.