1. Mao kini ang gisulti sa Ginoo mahitungod sa Israel, ang Ginoo nga nagbuhat sa mga langit ug nagpatungha sa yuta ug naghatag ug kinabuhi sa tawo. Miingon siya,
10. “Ug buboan ko ang banay ni David ug ang mga lumolupyo sa Jerusalem sa espiritu sa pagkamaluluy-on ug pagkamainampoon aron inigtan-aw nila kaniya nga ilang gidunggab, magbangotan sila tungod kaniya sama sa nagbangotan tungod sa kamatayon usa ka bugtong nga anak. Magpaagas sila ug pait nga luha sama sa nagbangotan tungod sa kamatayon sa iyang panganayng anak.
11. Niadto unyang adlawa magbangotan ang mga lumolupyo sa Jerusalem sama sa pagbangotan sa mga tawo alang kang Hada-dremon didto sa kapatagan sa Megido.
12-14. Magbangotan ang nasod, mag-iyahay pagbangotan ang tagsatagsa ka panimalay, ang banay ni David, ang banay ni Natan, ang banay ni Levi, ang banay ni Semei, ug ang uban pang mga panimalay. Ang mga babaye maglaig pagbangotan.