1. Ang Ginoo miingon kang Moises ug kang Aaron,
2. “Ipha ang mga anak ni Kohat nga kaliwat ni Levi sumala sa ilang tagsatagsa ka panimalay.
3. Ang ilakip pag-ihap mao kadtong nagpanuigon gikan sa 30 ka tuig ngadto sa 50 ka tuig nga makahimo sa pag-alagad didto sa Tolda nga Tagboanan.
4. Ang buluhaton sa mga anak ni Kohat mao ang pag-atiman sa labing balaang mga butang.
34-48. Aron pagtuman sa mando sa Ginoo, si Moises, si Aaron ug ang mga pangulo sa katawhan naghimog pag-ihap sa tulo ka banay sa mga Levita: kang Kohat, kang Gerson ug kang Merari. Gihimo nila kini pinaagi sa matag panimalay ug gilista ang tanang lalaki nga nagpanuigon gikan sa 30 ngadto sa 50 ka tuig nga makahimo sa pagtrabaho sa Tolda nga Tagboanan:sa banay ni Kohat, 2,750;sa banay ni Gerson, 2,630 ugsa banay ni Merari, 3,200.Ang tanan miabot ug 8,580 ka tawo.