1. Tapos sa kamatay ang Ginoo miingon kang Moises ug kang Eleazar, ang anak ni Aaron nga pari,
2. “Ipha ang tibuok Israel gikan sa nagpanuigon ug 20 ug pataas gikan sa tagsatagsa nila ka banay nga makahimo sa pag-adto sa gubat.”
3. Ug gisulti kini ni Moises ug ni Eleazar nga pari ngadto sa katawhan nga didto sa kapatagan sa Moab daplin sa Jordan didto sa Jerico. Miingon sila,
12-13. Mao kini ang mga kaliwat ni Simeon sumala sa ilang tagsatagsa ka panimalay: si Nemuel, si Jamin, si Jaquin, si Zera ug si Saul uban sa ilang mga kaliwat.
15-17. Ang mga kaliwat ni Gad mao kining mosunod: si Sifon, si Hagi, si Suni, si Osni, si Eri, si Arod ug si Areli uban sa ilang mga kaliwat.
19-21. Ang kaliwat ni Juda mao kining mosunod: si Shela, si Perez ug si Zera uban sa ilang mga kaliwat. Ang mga anak ni Perez mao sila si Hezron ug si Hamul. (Ang duha ka anak nga lalaki ni Juda nga si Er ug si Onan namatay didto sa Canaan.)
23-24. Ang mga kaliwat ni Isacar mao kining mosunod: si Tola, si Pua, si Jasub ug si Shimron ug ang ilang mga kaliwat.