Numeros 1:17-49 Ang Bag-ong Maayong Balita Biblia (RCPV)

17. Gidala ni Moises ug ni Aaron kining mga tawhana

18. ug sa unang adlaw sa ikaduhang bulan gipatigom nila ang tanang Israelita. Gilista sila sumala sa ilang pamilya ug kagikan. Ang tanang gilista nagpanuigon gikan sa 20 ug pataas

19. sumala sa gisugo sa Ginoo kang Moises. Busa giihap sila ni Moises didto sa kamingawan sa Sinai.

20-46. Ang mga lalaki nga nagpanuigon ug 20 ug pataas nga mahimong makaapil sa gubat giihap sumala sa ilang tagsatagsa ka pamilya sugod sa banay ni Ruben nga mao ang kamagulangan ni Jacob. Ang ilang gidaghanon mao ang mosunod:sa banay ni Ruben, 46,500;sa banay ni Simeon, 59,300;sa banay ni Gad, 45,650;sa banay ni Juda, 74,600;sa banay ni Isacar, 54,400;sa banay ni Zabulon, 57,400;sa banay ni Efraim, 40,500;sa banay ni Manases, 32,200;sa banay ni Benjamin, 35,400;sa banay ni Dan, 62,700;sa banay ni Aser, 41,500 ugsa banay ni Neftali, 53,400.Ang tanan miabot ug 603,550 ka lalaki.

47. Ang mga Levita wala ilakip pag-ihap

48. kay ang Ginoo miingon man kang Moises,

49. “Ayaw ilakip pag-ihap ang banay ni Levi.

Numeros 1