1. Dungga intawon ako, O Ginoo,ug tagda ang akong pag-agulo.
2. O akong Hari ug akong Dios,pamatia ang akong pagtuaw ug pag-ampo.
3. Sa kabuntagon, O Ginoo,dungga ang akong pag-ampo;sa kabuntagon nag-andam akog mga haladug naghulat ako kanimo.
4. Dios ka nga dili mahimuot sa daotanug kanimo walay dapit ang kahiwian.
5. Dili ka buot nga moatubang kanimo ang mapahitas-on;gikasilagan mo ang tanang mga daotan.
6. Gilaglag mo ang mga bakakon;gisalikway mo ang mga bangis ug limbongan.
7. Apan tungod sa dako mong gugma,makasulod ako sa imong balay;makasimba ako kanimo diha sa imong templo uban sa dakong pagtahod.