1. Sulod sa kasingkasing sa tawong daotanang iyang sala nagdaldal kaniya,ug wala siyay kahadlok ug pagtahod sa Dios.
2. Kay nagtuo man siya nga siya hawod;nagtuo siya nga ang Dios dili masayod ug dili mosilot sa iyang sala.
3. Bakak ug daotan ang iyang mga sulti,ug dili na gayod siya mobuhat ug maayo.
4. Bisag maghigda siya, naglaraw siyag daotan;daotan ang mga paagi niyaug dili na siya mobiya sa daotan.
5. Ang gugma mong walay paglubad, O Ginoo, misangko sa kalangitan,ug ang imong pagkamatinud-anon miabot sa kapanganoran.
6. Ang imong pagkamatarong daw mga habog nga bukid;ang imong mga hukom sama sa kahiladman sa dagat.O Ginoo, giatiman mo ang tawo ug mananap.
7. Kabililhon, O Dios, sa gugma mong walay paglubad!Sa landong sa imong mga pakomakapasilong ang mga tawo.
8. Nabuhong sila sa daghang pagkaon diha sa imong balay,ug gipainom mo sila sa suba sa imong kaayo.