1. Ang mga Israelita nagpakasala na usab batok sa Ginoo ug gitugotan niya nga harian sila sa mga Filistihanon sulod sa 40 ka tuig.
2. Unya dihay usa ka tawo nga ginganlag Manoa nga nagpuyo sa lungsod sa Zora ug sakop sa banay ni Dan. Wala gayod manganak ang asawa niya.
3. Mipakita sa babaye ang anghel sa Ginoo ug miingon, “Wala ka manganak apan karon magmabdos ka ug manganak ug batang lalaki.
4. Ayaw gayod pag-inom ug bisan unsang bino o ilimnong makahubog ug ayaw pagkaon sa bisan unsang pagkaon nga gidili
5. tungod kay magmabdos ka ug manganak ug batang lalaki. Ayaw gayod patupihi ang iyang buhok kay sukad gayod sa iyang pagkatawo ihalad siya ngadto sa Dios ingon nga Nasareo. Siya maoy mosugod pagluwas sa Israel gikan sa mga Filistihanon.”
15-16. Wala masayod si Manoa nga ang nakigsulti kaniya anghel diay sa Ginoo busa miingon siya, “Ayaw unag lakaw. Magluto kamig nating kanding alang kanimo.”Apan giingnan siya sa anghel, “Bisag hawiran mo ako, dili ako mokaon sa imong andamon nga pagkaon. Apan kon mag-andam ka gayod, sunoga hinuon kini ingon nga halad alang sa Ginoo.”