17. Si Herodes mismo nagsugo sa pagpadakop kang Juan ug sa pagpagaid kaniya didto sa bilanggoan. Gihimo niya kini tungod kang Herodias nga iyang gipangasawa bisan ug si Herodias asawa ni Felipe nga iyang igsoon.
18. Kay si Juan nagsigi man gud ug badlong kang Herodes, “Dili matarong nga makigpuyo ka sa asawa sa imong igsoon.”
19. Tungod niini nagdumot si Herodias kang Juan ug naninguha sa pagpatay kaniya. Apan wala siya makahimo niini kay wala man siya tugoti ni Herodes.
20. Nahadlok si Herodes kang Juan kay nasayod man siya nga si Juan maayo ug balaan nga tawo busa gipanalipdan niya si Juan. Bisan tuod masamok ang hunahuna ni Herodes inigkabati niya sa tanan nga isulti ni Juan, mamati gihapon siya kaniya.
21. Sa kataposan nakahigayon ra gayod si Herodias. Sumad kadto sa adlawng natawhan ni Herodes. Nagkombira siya alang sa tanang kadagkoan sa kagamhanan ingon man sa mga pangulo sa kasundalohan ug sa mga inilang tawo sa Galilea.