43. Ug nahibulong ang tanang tawo sa dakong gahom sa Dios.Samtang natingala pa ang mga tawo sa tanan nga gibuhat ni Jesus, miingon siya sa iyang mga tinun-an,
44. “Ayaw kamo kalimot sa akong isulti kaninyo karon. Ang Anak sa Tawo itugyan ngadto sa gahom sa mga tawo.”
45. Apan wala sila makasabot sa kahulogan niini. Gililong kini kanila aron dili sila makasabot niini ug nahadlok sila nga mangutana kaniya mahitungod niining butanga.
46. Unya naglalis ang mga tinun-an kon kinsa ang labing dako kanila.
47. Apan nahibalo si Jesus sa ilang gihunahuna busa mikuha siyag usa ka bata ug gipatindog sa iyang kiliran.