1. Gitigom ni Josue ang tanang banay sa Israel didto sa Siquem. Gitawag niya ang mga pangulo, ang mga kadagkoan, ang mga maghuhukom ug ang mga opisyal sa Israel ug nanuol sila sa atubangan sa Dios.
2. Giingnan ni Josue ang tanang katawhan, “Mao kini ang giingon sa Ginoo nga Dios sa Israel, ‘Kaniadto ang mga katigulangan ninyo nagpuyo tabok sa Suba sa Eufrates ug nagsimba sa laing mga dios. Usa kanila mao si Tera nga amahan ni Abraham ug ni Nahor.