Isaias 37:10-14 Ang Bag-ong Maayong Balita Biblia (RCPV)

10. “Ingna ninyo si Hari Ezequias, ‘Ayaw palimbong sa Dios nga imong gisaligan nga nagsaad nga ang Jerusalem dili nako mailog.

11. Nakadungog na ikaw sa gibuhat sa mga hari sa Asiria ngadto sa tanang mga nasod—gilaglag sila sa hingpit. Nagtuo ka ba nga makaikyas ka?

12. Ang mga dios sa ubang mga siyudad, sama pananglit sa Gosan, sa Haran, sa Resef ug ang katawhan sa Eden nga didto sa Telasar, wala makaluwas kanila. Silang tanan gilaglag sa akong katigulangan.

13. Hain na man ang mga hari sa mga siyudad sa Hamat, sa Arfad, sa Hana, sa Ava ug sa Sefarbaim?’”

14. Nadawat ni Ezequias ang sulat gikan sa mga sinugo sa hari sa Asiria ug iya kining gibasa. Unya miadto siya sa Templo ug iyang gihikyad ang sulat atubangan sa Ginoo.

Isaias 37