15. Migula sa iyang baba ang hait nga espada nga gamiton niya pagbuntog sa kanasoran. Maghari siya kanila sa paaging mahigpit gayod ug pug-on niya ang ubas diha sa pug-anan sa kapungot sa Dios nga Labing Gamhanan.
16. Diha sa bisti niya ug sa iyang paa nahisulat ang ngalan: “Hari sa mga hari ug Ginoo sa mga ginoo.”
17. Unya nakita ko ang usa ka anghel nga nagbarog didto sa adlaw. Gisinggitan niya ang tanang kalanggaman nga naglupad sa kahanginan, “Ngari kamo ug pagtigom kamo diri alang sa dakong bangkite sa Dios!