20. “Ug kon may tawong matarong nga mosimang ngadto sa pagkadaotan, butangan ko siyag makapandol kaniya ug mamatay gayod siya tungod sa iyang sala kay wala mo man siya pasidan-i. Kalimtan ko ang maayo niyang binuhatan apan ikaw ang paninglan ko sa iyang kamatayon.
21. Apan kon pahimangnoan mo siya aron dili siya magpakasala ug sundon niya ang imong tambag, dili siya mamatay ug dili ka usab silotan.”
22. Unya diha na usab kanako ang gahom ni Yahweh ug giingnan niya ako, “Lakaw ngadto sa kapatagan ug didto makigsulti ako kanimo.”