19. Gipasipalahan ninyo ako taliwala sa akong katawhan tungod lamang sa pila ka kumkom nga sebada ug pila ka buok pan. Gipatay ninyo ang mga tawo nga dili angayng patyon apan gihimo ninyo nga mabuhi pa ang mga tawo nga angayng patyon. Gibakakan ninyo ang akong katawhan ug mituo usab sila kaninyo.”
20. Busa miingon ang Ginoong Dios, “Supak ako sa inyong mga anting-anting nga inyong gigamit sa paglit-ag sa mga tawo. Laksion ko kini gikan sa inyong mga bukton ug buhian ko sama sa usa ka langgam ang mga tawo nga inyong nadakpan.
21. Gision ko ang inyong mga pandong ug luwason ko ang akong katawhan gikan sa inyong kamot ug dili na sila magpabilin kaninyo ingon nga tukbonon. Unya masayran ninyo nga ako mao ang Ginoo.
22. “Pinaagi sa inyong mga bakak gibugnaw ninyo ang matarong bisag wala ako magbugnaw kanila ug gidasig hinuon ninyo ang mga daotan aron dili sila mobiya sa daotang pagkinabuhi ug dili maluwas.
23. Busa karon matapos na gayod ang malimbongon ninyong mga panan-awon ug panagna. Luwason ko ang akong katawhan gikan sa inyong kamot. Unya masayran ninyo nga ako mao ang Ginoo.”