1. “Paghimog halaran nga sunoganan sa insenso. Himoa kini gikan sa kahoyng acasia.
2. Kuwadradoha kini: 46 ka sentimetros ang gitas-on ug 46 ka sentimetros ang gilapdon ug 91 ka sentimetros ang gihabugon. Ang mga sungaysungay niini kinahanglan unay sa halaran.
3. Hapinig lunsayng bulawan ang ibabaw, ang upat ka kilid ug ang mga sungaysungay niini ug libota kini pagribitig bulawan.
4. Paghimog duha ka argulyang bulawan nga balhogan sa yayongan inigdala niini ug ipakabit kini ilalom sa ngilit sa duha ka kilid.
5. Unya paghimog duha ka yayongan nga kahoyng acasia ug hapini kinig bulawan.